Talyplaryň düzen goşgylary

Talyplaryň düzen goşgylary

Türkmenistan ata-Watan Garaşsyz

30-ýyllyk toýuň toýlanýar bugun

Şatlyga beslenýär, galkynýar göwün

Kalplarymyz kinesiz, çözülsin düwün

Türkmenistan ata-Watan Garaşsyz

91-de boldy ýurdum Garaşsyz

Parahat ýurt, asuda hem göreşsiz

Bütin dünýä bilen dogan gardaş siz

Türkmenistan ata-Watan Garaşsyz

Taryhda yz goýdy türkmeniň ady

Gerçek ogullaryň hiç öçmez ody

Halkymyň buýsanjy, göwünleň şady

Türkmenistan ata-Watan Garaşsyz

Dillerde senadyr, kalplarda adyň 

Gutlag aýdýar saňa, ýakynyň-ýadyň

Mydam gowşamasy, egsilmez badyň

Türkmenistan ata-Watan Garaşsyz

Magtymgulyň arzuw edip ýeteni

Bir – jan, bir-ten diýip, jebis tutany

Türkmenistan  gerçekleriň  watany

Türkmenistan eziz ýurdum Garaşsyz.

Arkadag bilen

Arkadagym, bagta ýetirdiň bizi

Güýç dogýandyr mydam ykjam bilekden

Garaşsyzlyk bilen gutlaýas Sizi

Alkyş aýdýas Size talyp ýürekden

Öşüşden ösüşe basýarys gadam,

Watany söýmäge edýäris kasam.

Günümiz toý baýram köneden gaýdan

Eziz Gahrymanym, Arkadag bilen

Watanymda genji-hazyna baýlyk,

Diýarymyz beýik işlere laýyk .

Toýlara beslenýär günümiz şatlyk 

Eziz Gahrymanym, Arkadag bilen

Diýarymyň ady asmana galdy,

Her kişi işine, zähmete eňdi,

Türkmenim bagtyýar ýaşaýşa döndi. 

Eziz Gahrymanym, Arkadag bilen.

Arkadag

Ýurdumyz parahat, ýolumyz ýagty

Bize peşgeş berdi bu ajap bagty

Halkymyň erkana, sapaly wagty

Siziň saýaňyzda eziz Arkadag

Dünýä tanatdyňyz türkmen ilini,

Ýöredýäňiz Ogyz hanyň ýoluny.

Agzybir il goldar, Gerçek ogluny

Siziň bilen bagta ýetdik Arkadag.

Mirasyma hormatym bar, sarpam bar

Daşdan bilim, dagdan beýik Arkam bar.

Şu günüm hem ýagty geljek ertäm bar

Siz türkmeniň Gerçek ogly Arkadag.

Arkadagym belent bolsun başyňyz

Görogly dek, uzap gitsin ýaşyňyz

Mydam rowaç alsyn, ähli işiňiz

Siz türkmeniň Gerçek ogly Arkadag.

Arkadag bilen

Al-ýaşyla bürenipdir baharym,

Rysgal-bereketli dogýan säherim,

Kämil ymaratly oba- şäherim,

Ajaýyp zamanda arkadaag bilen.

Dünýäň künjeginde berkaraýurdum,

Asylzada ýoluň mukaddes gördüm,

Galkynyp gün-günden jennete döndüň,

Bagtyýar zamanda arkadag bilen.

Il-ulus haýranda naz-nygmatyňa,

Leýli saç, syratly syrdam atyňa,

Edepli gyzyňa, är gaýratyna,

Nur saçýan diýarda arkadag bilen.

Watan

Watan sende ynsan namysy ary,

Gözümiň göreji garasy- agy,

Sensiň watan ýürekleriň çyragy,

Geçmişim, geljegim sendedir Watan.

Tebigatda nebitiň bar, gazyň bar,

Abraýyň bar, belent şöhrat şanyň bar,

Watany özgerden Arkadagym bar,

Dünýäň genji- käni sendedir Watan

"Watan" diýip urýar her ynsan kalby,

Ýürekleň urgysy Watana bagly,

Ýurdumyz abadan, ilimiz aman,

Ýurt parahat çünki arkamyz dagly.

Tugum sen

Peselme sen, egsilme sen hiç wagt,

Diýarymyň guwanjy sen, tugy sen,

Ýüze sylýar bütin dünýe abraýňy,

Türkmen iliň soňlanmajak nury sen.

Arkadagly iliň mahmal tugy sen.

Aňladyp dur her nyşanyň bir many,

Olar berýär nesle güýji- kuwwaty,

Kuwwatyň artdyrýar baky şöhraty,

Ýurduň mahmal sazy, namys- ary sen.

Türkmen iliň daýanjy sen, Tugy sen.

Parla tugum,  parla ýene asmanda,

Dünýäň eşretinden iç ýene ganda,

Ýagşylykda pasyrda goý her ýanda,

Togap etýän geljegim sen nurum sen.

Asmandaky ak guşum sen, tugum sen.

Bedewim

Agramyna altyn berlen,

Halyda şekili görlen,

Ahalteke Hakdan berlen,

Leýli saçly, uz bedewim.

Tagty   süleýmandyr üsti,

Edrmendir, mertdir asly,

Kamaty keramat kesbi,

Ertirime  saz  bedewim

Bahara görk beren baky

Eşretimiz dünýädäki,

Dkimin dur, dur sen baky,

Edermen, batyr bedewim

Watanyň ruhy baýlygy ,

Lälezar döwrüň barlygy,

Eýýamam senli çaglandy,

Rowaçlyga şan bedewim.

Waspnama

GÖROGLY ATAM

Şu gün joşup ýaş köňlümiň töründe,

Orun berdim ylham joşýan köňülde,

Çünki aldym ruhubelent görelde,

Edebim, ekramym Görogly atam.

Türkmeniň abraýyn arşa göteren,

Hem taryhy şu günüme ýetiren,

Watan, il, halk diýip daňyn ataran,

Baýlygym, barlygym Görogly atam

Ähli duşmanyňy eýläp sen berbat,

Berdiň öz Watanyň güýjüne kuwwat,

Seni tanar boldy indi ýedi ýat,

Gujurym, gaýratym Görogly atam

ÝUNESKO- nyň düzmünde berkarar adyň,

Belent hem beýikdir şanyň şöhratyň,

Bilim ojagynda belentdir badyň,

Geçmişim geljegim Görogly atam.

“Watan” - diýip şirin   köýdüren,

Peridir - Hüýrlere özün söýdüren

Ýaş nesliň kalbynda buýsanç duýduran,

Syrdam, salyhatly Görogly atam

Agaýunus Kap dagynyň üstünde,

Öwez Weýeňňemda, Hünkar kastyňda,

Namysyň ugrunda ganyň astynda,

Geçirdiň ömrüňi Görogly atam.

Duşmanyň Eýranda, Türkde, Kermanda,

Ýeňňeň arap ilde, Reýhan seýranda,

Seniň aklyň - başyň galdy haýranda,

Gülendam ýat boldy Görogly atam

Barmadyk, görmedik ýerleriň azdyr,

Gezen ýerleň dillerimde owazdyr,

Elleriň dutarly, ýaranyň sazdyr,

Sazdan ylham aldym Görogly atam.

Garaşsyz Türkmenistan

Göbek ganym daman ýerim, diýarym,

Al-elwan Garaşsyz Türkmenistanym.

Rysgalyn eçilen, saýlap- seçilen,

Asuda Garaşsyz Türkmenistanym.

Şat döwri geçmişde arzuwlap gezen,

Sylagly Pyragym her setre ýazan,

Ynamly iliň bar-hak janyn dözen,

Zyýada Garaşsyz Türkmenistanym.

Ter açylan gök bakjaň bar, naryň bar,

Ülklämi jennete öwren halyň bar,

Rysgalyň, ak pagtaň, bugdaý nanyň bar.

Keremlli-Garaşsyz Türkmenistanym.

Mahmal owazyny sazynda jemlän,

Eneler balasyn hüwdiňde hiňlän,

Nanyny, duzuny mukaddes bilýän,

Iliň bar Garaşsyz Türkmenistanym.

Sungadyňy il içinde tanadan,

Türkmen milli ýörelgeden ýöreden,

Arkadaga  alkyş eçil ýaradan,

Nurly ýurt - Garaşsyz Türkmenistanym.

Awtory: Balkan welavat malive-ykdysady orta hünär okuw mekdebiniň

Ykdysadyýet we meýilnamalaşdyryş hünäriniň 2-nji ýyl talyby

Babaýewa Suraý