Mekdebiň täzelikleri

Balkan welaýat maliýe-ykdysady orta hünär okuw mekdebine okuw üçin resminamalar kabul edilip başlandy.

Türkmenistanyň Prezidenti Serdar
Berdimuhamedowyň gol çeken Buýrugyna laýyklykda, 2024-nji ýylda Türkmenistanyň
ýokary okuw mekdeplerine welaýatlar we Aşgabat şäheri boýunça okuwa kabul
etmegiň meýilnamasy tassyklanyldy.  Kabul edilen Meýilnama
esasynda  2024-2025-nji okuw ýylynda  dalaşgärleriň resminamalaryny
kabul etmek üçin Balkan welaýat maliýe-ykdysady orta hünär okuw mekdebiniň resminamalary kabul ediş topary öz işine başlady. Okuwa kabul etmeklik  “Maliýe
we karz”, “Ykdysadyýet we meýilnamalaşdyryş”, “Buhgalterçilik hasaba alnyşy”,
hünärleri boýunça tabşyrylýar.
   Resminamalar iýul aýynyň
15-den awgust aýynyň 19-y aralygynda kabul ediler. Okuwa tabşyrmak üçin gerekli resminamalaryň sanawyny web sahypamyzdan tapyp bilersiňiz.