1-nji sentýabr bilimler we talyp ýaşlar güni bellenildi.
Eziz Diýarymyzda her ýylyň sentýabr aýynyň 1-i uly şatlyk şowhuna beslenýär. Sebäbi bu günde körpeje çagajyklar bilim ojagyna ilkinji ädimleri bilen gadam basýarlar. Mekdep okuwçylary tomus dynç alyşdan soňra täze okuw ýylynyň ilkinji sapaklaryna başlaýarlar. Ýokary we orta hünär okuw mekdeplerinde täze okuwa kabul edilen talyplar talyplyk buýsançlary bilen dabaraly çärä gatnaşýarlar.
2022-2023-nji okuw ýylynyň 1-nji sentýabr güni ähli Ýokary we orta hünär okuw mekdeplerinde bolşy ýaly, Balkan welaýat maliýe-ykdysady orta hünär okuw mekdebinde hem daň säher bilen Bilimler we talyp ýaşlar güni bellenilip geçildi. Bu dabaraly pursatda okuwa kabul edilen 1-nji ýyl talyplar öz ýürek buýsançlary bilen çykyş edip çäräni has-da dabaralandyrdylar.
Dabaranyň dowamynda Hormatly Prezidentimiz Serdar Berdimuhammedowyň Türkmenistanyň mekdep okuwçylaryna, talyp ýaşlaryna, mugallymlaryna we bilim işgärlerine iberen gutlag sözi bilen tanyşdyryldy.
Baýramçylyk çäresi tamamlanandan soňra talyp ýaşlar “Halkyň Arkadagly zamany” ady bilen ilkinji okuw sapagyna başladylar.
